ಕನ್ನಡ ಗ್ಲಿಫ್ ರೆಂಡರ್

ಕನ್ನಡವನ್ನು ಪರದೆಯ ಮೇಲೆ ಸರಿಯಾಗಿ ತೋರಿಸುವುದು ಸುಲಭವಲ್ಲ. ಒತ್ತಕ್ಷರ, ಅರ್ಕಾವೊತ್ತು, ಕಾಗುಣಿತ — ಅಕ್ಷರದ ತುಂಡುಗಳನ್ನು ಜೋಡಿಸಿ ಸರಿಯಾದ ಆಕಾರಕ್ಕೆ ತರುವ ಈ ಕೆಲಸವನ್ನು ಕಂಪ್ಯೂಟರ್‌ಗಳಲ್ಲಿ HarfBuzz ಎಂಬ ತಂತ್ರಾಂಶ ಮಾಡುತ್ತದೆ. ಆದರೆ ಇ-ಪೇಪರ್ ಓದುಗದಂಥ ಸಣ್ಣ ಮೈಕ್ರೊಕಂಟ್ರೋಲರ್ ಸಾಧನಗಳಲ್ಲಿ HarfBuzz ಓಡಿಸುವುದು ಕಷ್ಟ.

ಷ್ಟ್ರೀ=ಷU+0CB7+◌್U+0CCD+ಟU+0C9F+◌್U+0CCD+ರU+0CB0+◌ೀU+0CC0

KannadaGlyphRender ಈ ಕೆಲಸವನ್ನು ಬೇರೆ ರೀತಿಯಲ್ಲಿ ಮಾಡುತ್ತದೆ:

1. HarfBuzz ಅನ್ನು ಒಮ್ಮೆ ಮಾತ್ರ, ಕಂಪ್ಯೂಟರ್‌ನಲ್ಲಿ, ಉಲ್ಲೇಖವಾಗಿ ಬಳಸಿ, Noto Sans Kannada ಅಕ್ಷರಶೈಲಿಯ ಜೋಡಣೆ ನಿಯಮಗಳನ್ನು ಕೋಷ್ಟಕಗಳಾಗಿ ತೆಗೆಯಲಾಗುತ್ತದೆ.
2. ಆ ಕೋಷ್ಟಕಗಳು ಮತ್ತು ಅಕ್ಷರಗಳ ಚಿತ್ರಗಳು ಸೇರಿ ಸುಮಾರು ೮೬ KB ಗಾತ್ರದ ಒಂದೇ ಕಡತವಾಗುತ್ತವೆ.
3. ಸಾಧನದ ಮೇಲೆ ಸಣ್ಣ C ಸಂಕೇತ ಆ ಕಡತವನ್ನು ಓದಿ, ಪಠ್ಯವನ್ನು ಜೋಡಿಸಿ, ಕಪ್ಪು-ಬಿಳುಪು ಬಿಂದುಗಳಾಗಿ ಪರದೆಗೆ ಬರೆಯುತ್ತದೆ. ಸಾಧನದಲ್ಲಿ HarfBuzz ಬೇಕಿಲ್ಲ.

ಹೇಗೆ ಕಾಣುತ್ತದೆ

ಕೆಳಗಿನ ಚಿತ್ರಗಳು ಈ ಎಂಜಿನ್ ನಿಜವಾಗಿ ಬರೆದವು — ೨೪ ಪಿಕ್ಸೆಲ್ ಅಕ್ಷರ, ಒಂದೇ ಬಣ್ಣ, ಇ-ಪೇಪರ್ ಪರದೆಯಂತೆ. ನಾಲ್ಕೂ ಸಾಲುಗಳು HarfBuzz ಕೊಡುವ ಫಲಿತಾಂಶಕ್ಕೆ ಗ್ಲಿಫ್‌ಗೆ ಗ್ಲಿಫ್ ಸರಿಹೊಂದುತ್ತವೆ.

ಎಂಟು ಪಟ್ಟು ದೊಡ್ಡದಾಗಿ — ಪ್ರತಿಯೊಂದು ಚೌಕವೂ ಪರದೆಯ ಒಂದು ಬಿಂದು:

ಅಕ್ಷರಶೈಲಿಗಳು

ಪ್ರತಿ ಅಕ್ಷರಶೈಲಿಗೆ ಅದರದ್ದೇ .kasset ಕಡತ ಬೇಕು. ಈಗ ಲಭ್ಯವಿರುವವು:

ಅಕ್ಷರಶೈಲಿ	ಗಾತ್ರ	ಕಡತ
Noto Sans Kannada	೨೪ ಪಿಕ್ಸೆಲ್	ಸುಮಾರು ೮೬ KB

ಎಷ್ಟು ನಿಖರ

ALAR ಕನ್ನಡ–ಇಂಗ್ಲಿಷ್ ನಿಘಂಟಿನ ೧,೩೭,೪೨೯ ನಿಜವಾದ ಪದಗಳಲ್ಲಿ ೧,೩೭,೪೨೭ ಪದಗಳು HarfBuzz ಫಲಿತಾಂಶಕ್ಕೆ ಗ್ಲಿಫ್‌ಗೆ ಗ್ಲಿಫ್ ಸರಿಹೊಂದುತ್ತವೆ — ೯೯.೯೯೯%.

ಮಿತಿಗಳು: ನಾಲ್ಕು ಅಥವಾ ಹೆಚ್ಚು ವ್ಯಂಜನಗಳ ಸರಪಳಿ, ಮತ್ತು ನಿಘಂಟಿನಲ್ಲಿ ಇಲ್ಲದ ಕೆಲವು ಅಪರೂಪದ ರೂಪಗಳು ಅಂದಾಜಿನ ಆಕಾರದಲ್ಲಿ ಕಾಣಬಹುದು.

ಸಂಕೇತ

ಸಂಕೇತ, ಕಡತದ ವಿನ್ಯಾಸ ಮತ್ತು HarfBuzz ಜೊತೆ ಹೋಲಿಸುವ ಡೆಮೊ: github.com/harshkn/KannadaGlyphRender

cd demo
cc -std=c99 -O2 -o demo_render demo_render.c ../src/glyphrender.c ../src/kannada_shape.c
python3 compare_with_harfbuzz.py "ನಿಮ್ಮ ಪಠ್ಯ ಇಲ್ಲಿ" 300 100 24

ಎಲ್ಲಿ ಬಳಕೆಯಾಗುತ್ತಿದೆ

• Xteink X4 ನಲ್ಲಿ ಕನ್ನಡ: CrossPoint Reader — ಇ-ಇಂಕ್ ಓದುಗದಲ್ಲಿ ಕನ್ನಡ ಪುಸ್ತಕಗಳು.